%< Мjь'сяца септе'мврiа въ к~<е> де'нь.

Слу'жба прп\дбнагw <о>=тца` на'шегw се'ргiа и=гу'мена, ра'донежскагw
чудотво'рца.

Ве'черъ на ма'лjьй вече'рни стiхи^ры на д~, гла'съ <е>~.

Подо'бенъ: П%>рп\дбне <о>='тче:

%< П%>рп\дбне <о>='тче, ду'шу твою` съ тjь'ломъ w=чи'стивъ, ст~а'гw
дх~а прекра'сная <о>=би'тель jа=ви'лся <е>=си` i='же сла'вна
тя` конц<е>'мъ, пребл~же'нне се'ргiе, содjь'я: въ чудесjь'хъ
же вели'каго свjьти'льника, просвjьти'вшаго во мра'цjь су'щыя,
и= наста'вника мона'хwвъ, соше'дшеся велему'дреннw о<у>=бл~жа'емъ.

_%< Jа=%>ви'лся <е>=си`, бг~обл~же'нне, му'драя плени'ца, связу'я
мнw'гая врагw'въ w=полч<е>'нiя: тjь'мже и= вjьнце'мъ о<у>=вя'злся
<е>=си` w\т бг~а неувяда'ющимъ, и= весе'лiе и= ра'дость, и= сла'ву
вjь'чную воспрiя'лъ <е>=си`, прему'дре се'ргiе. того` моли`, тому`
помоли'ся, прп\дбне, дарова'ти ми'ръ мi'ру, и= душа'мъ на'шымъ
ве'лiю мл\сть.

_%< П%>рп\дбне <о>='тче, тjьл<е>'сныя стра^сти sjь'льнымъ воздержа'нiемъ,
и= ча'стыми мл~твами, по'томъ же воздержа'нiя о<у>=гаси'лъ <е>=си`
о<у>='глiе страсте'й: тогw` ра'ди чудесы` сла'вна тя` рwссi^йскимъ
страна'мъ, сла'вне се'ргiе, показа`, о<у>=краси'въ нб\сными дарми`
хр\сто'съ. того` моли`, тому` помоли'ся, прп\дбне, дарова'ти ми'ръ
мi'ру, и= душа'мъ на'шымъ ве'лiю мл\сть.

%< Сла'ва, гла'съ s~:

_ П%>рiиди'те мона'шествующихъ мно'жество дне'сь, се'ргiа бл~гоче'стiя
подража'теля пjь'сньми и= пjь'ньми восхва'лимъ, и= чт\сну'ю <е>=гw`
и= многоцjьле'бную ра'ку w=бстоя'ще, любе'знw w=блобыза'емъ,
глаго'люще: ра'дуйся, пресла'вне се'ргiе, <о>=те'честву твоему`
пресвjь'тлый свjьти'льниче. ра'дуйся, jа='кw чи'стjь чт\сjь'йшему
свjь'ту совокупи'вся. ра'дуйся, jа='кw тр\оцjь предстои'ши со
а='гг~лы: ю='же непреста'ннw моли`, дарова'ти душа'мъ на'шымъ
ве'лiю мл\сть.

%< И= ны'нjь, бг~оро'диченъ:

_ Б%>ц\де, ты` <е>=си` лоза` и='стинная, возрасти'вшая на'мъ пло'дъ
живота`: тебjь` мо'лимся, моли'ся вл\дчце, со ст~ы'ми а=п\слы,
поми'ловати ду'шы на'шя.

%< На стiхо'внjь стiхи^ры, гла'съ s~:

Подо'бенъ: А='%>гг~льскiя:

%< W\т %>ма'тернихъ пеле'нъ му'дре, бг~у возложе'нъ, се'ргiе прп\дбне,
и= пусты'ню jа='кw гра'дъ содjь'лавъ, въ не'й мно'ж<е>ства мона'хwвъ
собра'лъ <е>=си`, сла'вити многопjь'тую тр\оцу: ю='же моли` сп~сти'ся
душа'мъ на'шымъ.

_%< Стi'хъ: Ч%>т\сна` пред\ъ гд\семъ сме'рть прп\дбныхъ <е>=гw`.

_%< Б%>г~ому'дре се'ргiе, а='ще бо и= по'слjьжди лjь'ты тя` новопросвjьще'нная
рwссi'йская страна` возрасти`: но дре'внихъ че'сти сподо'бился
<е>=си`, и= дарова^нiя чуде'съ досто'йнw прiе'мъ. мона'хwвъ мно'жества
пjьсносло'вятъ, и= правовjь'рною вjь'рою хр\ста` хва'лятъ, твои'ми
покаря'ющеся о<у>=че'ньми: моли` сп~сти'ся душа'мъ на'шымъ.

_%< Стi'хъ: Б%>л~же'нъ му'жъ боя'йся гд\са, въ за'повjьдехъ <е>=гw`
восхо'щетъ sjьлw`.

_%< Jа='%>кw въ высо'кихъ черто'зjьхъ, добродjь'тели пред\ъугото'валъ
<е>=си` до'мъ себjь`, се'ргiе <о>='тче на'шъ: и= jа='кw вои'стинну
бж~е'ственную свjь'тлость зрjь'ти сподо'бился <е>=си`, въ ню'же
всели'вся зри'ши ст~у'ю тр\оцу: <е>='йже моли'ся, дарова'ти мi'ру
ве'лiю мл\сть.

%< Сла'ва, гла'съ и~:

_ П%>рп\дбне <о>='тче, мi'ра красоту`, и= сла'дость вре'менную w\тню'дъ
возненави'дjьлъ <е>=си`, мона'шеское житiе` па'че возлюби'въ,
и= а='гг~лwмъ собесjь'дникъ бы'ти сподо'бился <е>=си`, и= свjьти'льникъ
многосвjь'тлый рwссi'йскiя земли`, чудесми` jа='коже второ'е
со'лнце сiя'я. но всjь'хъ на'съ помина'й, соверша'ющихъ сщ~е'нную
па'мять твою`: мы' бо ча^да твоя^, и= <о>='вцы слове'сныхъ твои'хъ
о<у>=че'нiй, и= тя` на по'мощь призыва'емъ, прося'ще тобо'ю прiя'ти
ми'ръ и= ве'лiю мл\сть.

%< И= ны'нjь, бг~оро'диченъ:

_ В%>л\дчце прiими` мл~твы рабw'въ твои'хъ, и= и=зба'ви на'съ w\т
вся'кiя ну'жды и= печа'ли.

%< Тропа'рь, гла'съ д~:

%< И='%>же добродjь'телей подви'жникъ, jа='кw и='стинный во'инъ
хр\ста` бг~а, на стра^сти вельми` подвиза'лся <е>=си` въ жи'зни
вре'меннjьй, въ пjь'нiихъ, бдjь'нiихъ же и= поще'нiихъ w='бразъ
бы'въ твои^мъ о<у>=ченикw'мъ. тjь'мже и= всели'ся въ тя` прест~ы'й
дх~ъ, <е>=гw'же дjь'йствiемъ свjь'тлw о<у>=кра'шенъ <е>=си`:
но jа='кw и=мjь'я дерзнове'нiе ко ст~jь'й тр\оцjь, помина'й ста'до,
<е>='же собра'лъ <е>=си` му'дрjь, и= не забу'ди jа='коже w=бjьща'лся
<е>=си`, посjьща'я ча^дъ твои'хъ, се'ргiе прп\дбне <о>='тче на'шъ.

%< Сла'ва, и= ны'нjь:

<Е>='%>же w\т вjь'ка о<у>=тае'ное, и= а='гг~лwмъ невjь'домое та'инство,
тобо'ю бц\де су'щымъ на земли` jа=ви'ся бг~ъ, въ несли'тномъ
соедине'нiи воплоща'емь, и= кр\стъ во'лею на'съ ра'ди воспрiи'мъ,
и=`мже воскреси'въ первозда'ннаго, сп~се` w\т сме'рти ду'шы на'шя.

%<_%>

%< На вели'цjьй вече'рни,

Бл~же'нъ му'жъ, пе'рвый а=нтiфw'нъ.

На Гд\си воззва'хъ стiхи^ры на и~, гла'съ s~:

Подо'бенъ: В%>сю` w\тложи'вше:

%<М%>i'ра мяте'жъ прп\дбне w=ста'вивъ, и= взе'мъ кр\стъ тво'й послjь'довалъ
<е>=си` хр\сту` невозвра'тнымъ по'мысломъ, и= въ пусты'ню всели'лся
<е>=си` прп\дбне, душ<е>'вныя стра^сти и=з\ъ ко'рене и=сторга'я,
и= тjьл<е>'сная чу^вства w=горчева'я, и= ча'стыми бдjь'нiи и=
мл~твами, бл~года'ть воспрiя'лъ <е>=си`, прп\дбне, цjьли'ти разли^чныя
неду'ги, а='гг~лwвъ собесjь'дниче, и= прп\дбныхъ сожи'телю: моли'ся
гд\су, се'ргiе прп\дбне, поми'ловатися душа'мъ на'шымъ.

_%< П%>рп\дбне <о>='тче, кто` и=сповjь'сть труды` твоя^ и= болjь^зни;
и=ли` кi'й я=зы'къ и=зрече'тъ жесто'кое твое` житiе`, бдjь'нiе
же и= сухояде'нiе, и= <е>='же на земли` лега'нiе, чистоту` душе'вную
и= тjьле'сную, о<у>=стна'ми и= о<у>=мо'мъ соверше'нное безмо'лвiе,
смире'нiе же нелицемjь'рное, мл~твы непреста^нныя и= разсужде'нiе
доброразсу'дное, ху'дость ри'зную и= па'мять сме'ртную; се'ргiе
<о>='тче на'шъ, моли` сп~сти'ся душа'мъ на'шымъ.

_%< П%>рп\дбне <о>='тче се'ргiе, ты` вра'чь ду'шъ и= тjьле'съ jа=ви'лся
<е>=си`, и=сточа'я неду'жнымъ и=сцjьле'нiя струи^, да'ромъ же
пр\оро'чествiя о<у>=кра'шенъ, прорица'я jа='кw настоя^щая бу^дущая.
мл~твою бо кн~зя воwружи'въ ва'рвары побjьди'ти, хва'лящыяся
<о>=те'чество <е>=гw` разори'ти. но самjь'хъ бг~опораже'нною jа='звою
тру'пiя досто'йнw падо'ша, <пс>ало'мски, при а='дjь, прп\дбне.

_%< Б%>г~ому'дре се'ргiе, сла'ву маловре'менную w=ста'вль, и= въ
пусты'няхъ и= гора'хъ ты` живы'й jа=ви'лся <е>=си`, и= тр\оцы
чт\сый до'мъ, бл~же'нне, бы'лъ <е>=си`, <е>=я'же си'лою прест~ы^я
хра'мы воздви'гъ, и= w=гра^ды мона'шествующымъ во сп~се'нiе созда'лъ
<е>=си`: живя'ше же въ тебjь` хр\сто'съ бг~ъ на'шъ, <е>=го'же
w\т ю='ности возжелjь'лъ <е>=си`. того` моли`, се'ргiе прп\дбне,
сп~сти'ся душа'мъ на'шымъ.

%< И='ны стiхи^ры прп\дбнагw, гла'съ в~.

Подо'бенъ: Т%>ерпя'ще муче'нiя:

_%< Т%>ерпя` ны^нjьшняя му'жественнjь, веселя'ся бу'дущими, ко всjь^мъ
глаго'лалъ <е>=си`, прп\дбне се'ргiе: <е>=да` о<у>='бw ту'не
подвиза'емся, но вjь'чнагw живота` ча'юще получи'ти; лю'ты скw'рби,
но сла'докъ ра'й: болjь'знены труды`, но присносу'щно воспрiя'тiе,
не w=блjьни'мся о<у>=`бо, <w> по'стницы: ма'лw стерпи'мъ, да
вjьнцы` нетлjь'нными о<у>=вязе'мся w\т хр\ста` бг~а и= сп~са
ду'шъ на'шихъ. %<[Два'жды.]

_%< З%>ря` jа='кw наслажде'нiе скw'рби, ше'ствуя тjь'снымъ путе'мъ,
ко о<у>=ченикw'мъ твои^мъ глаго'лалъ <е>=си`, пребл~же'нне се'ргiе:
не о<у>=страши'мса по'двига по'стнагw, да стра'шнагw гее'нскагw
муче'нiя и=збjь'гнемъ, согбе'ннjь бу'дутъ ру^цjь, да простира'ются
же къ бг~у, нw'зjь же о<у>=твержде'ны на мл~твjь предстоя'ти.
не пощади'мъ <е>=стества` тлjь'ннагw, и=зво'лимъ по'двигъ, да
вjьнцы` побjь'дными о<у>=вязе'мся w\т хр\ста` бг~а, и= сп~са
ду'шъ на'шихъ.

_%< W\т%>ве'ргъ тлjь^нныя ри^зы, ходи'лъ <е>=си` въ зимjь` без\ъ
те'плыя <о>=де'жды, jа='коже въ лjь'тjь, глаго'ля, терпjьли'ве
се'ргiе: за ра'й, <е>=го'же погуби'хомъ, ри^зы мя^гкiя ны'нjь
w\тлага'емъ. грjьхо'мъ и=ногда` преступле'нiя w=дjь'яхомся, совлече'мся
ны'нjь, ра'ди нетлjь'нныхъ ри'зъ, небреже'мъ, бра'тiе, w= зимjь`
преходя'щей: пло'ть и=знури'мъ, да вjьнцы` побjь'дными о<у>=вязе'мся
w\т хр\ста` бг~а и= сп~са ду'шъ на'шихъ.

%< Сла'ва, гла'съ s~.

_ <Е>='%>же по w='бразу соблю'дъ невреди'мw, о<у>='мъ вл\дку на'дъ
страстьми` па'губными по'стнически поста'вивъ, во <е>='же по
подо'бiю jа='кw мо'щно возше'лъ <е>=си`: му'жески бо <е>=стество`
пону'дивъ, потща'лся <е>=си` ху'ждшее покори'ти лу'чшему, и=
пло'ть порабо'тити дх~у: тjь'мже мона'шествующихъ jа=ви'лся <е>=си`
ве'рхъ, жи'тель пусты'нный, бл~готеку'щихъ w=бучи'тель. пра'вило
добродjь'тели и=звjь'стнjьйшее, и= ны'нjь на нб~сjь'хъ, зерца'лwмъ
разрjь'шшымся, <о>='тче на'шъ се'ргiе, чи'стjь зри'ши ст~у'ю
тр\оцу, моля'ся несре'дственнjь w= и=`же вjь'рою и= любо'вiю
чту'щихъ тя`.

%< И= ны'нjь, бг~оро'диченъ:

_ К%>то` тебе` не о<у>=бл~жи'тъ прест~а'я дв~о; кто' ли не воспое'тъ
твоегw` преч\стагw рж\ства`; безлjь'тнw бо w\т <о>=ц~а` возсiя'вый
сн~ъ <е>=диноро'дный, то'йже w\т тебе` чи'стыя про'йде, неизрече'ннw
вопло'щся, <е>=стество'мъ бг~ъ сы'й, и= <е>=стество'мъ бы'въ
чл~вjь'къ на'съ ра'ди, не во двою` лицу` раздjьля'емый, но во
двою` <е>=стеству` несли'тнw познава'емый. того` моли` чт\сая
всебл~же'нная, поми'ловатися душа'мъ на'шымъ.

%< Вхо'дъ. Прокi'менъ дне`.

При'тчей чте'нiе. [Главы^ г~ и= и~]

_П%>а'мять прв\днагw съ похвала'ми, и= бл~гослове'нiе гд\сне на
главjь` <е>=гw`. Бл~же'нъ человjь'къ, и='же w=брjь'те прему'дрость:
и= сме'ртенъ, и='же о<у>=вjь'дjь ра'зумъ. Лу'чше бо сiю` купова'ти,
не'жели зла'та и= сребра` сокрw'вища. Чт\снjь'йшая же <е>='сть
ка'менiй многоцjь'нныхъ, все' же чт\сно'е недосто'йно <е>=я`
<е>='сть. Долгота' бо дне'й, и= лjь^та живота` въ десни'цjь <е>=я`:
въ шу'йцjь же <е>=я` бога'тство, и= сла'ва. w\т о<у>='стъ <е>=я`
и=схо'дитъ пра'вда, зако'нъ же и= мл\сть на я=зы'цjь но'ситъ.
Послу'шайте о<у>='бw мене`, <w> ча^да! чт\сна^я бо реку`: и=
бл~же'нъ человjь'къ, и='же пути^ моя^ сохрани'тъ: и=схо'ди бо
мои`, и=схо'ди живота`, о<у>=готовля'ется хотjь'нiе w\т гд\са.
Сегw` ра'ди молю` ва'съ, и= предлага'ю мо'й гла'съ сыновw'мъ
человjь'ч<е>скимъ: jа='кw а='зъ прему'дрость о<у>=стро'ихъ совjь'тъ,
и= ра'зумъ и= смы'слъ а='зъ призва'хъ. Мо'й совjь'тъ и= о<у>=твержде'нiе,
мо'й ра'зумъ, моя' же крjь'пость. А='зъ мене` лю'бящыя люблю`,
и='щущiи же мене` w=бря'щутъ бл~года'ть. Разумjь'йте о<у>='бw
незло'бивiи кова'рство, ненака'заннiи же прилага'йте сердца`.
Послу'шайте мене` и= па'ки, чт\сна^я бо реку`, и= w\тве'рзу w\т
о<у>=сте'нъ пра^вая: jа='кw и='стинjь поучи'тся горта'нь мо'й,
ме'рзки же предо мно'ю о<у>=стны` лжи^выя. Съ пра'вдою вси` глаго'лы
о<у>='стъ мои'хъ: ничто'же въ ни'хъ стро'потно, ниже` развраще'нно:
Вся^ пра^ва су'ть разумjьва'ющымъ, и= прw'ста w=брjьта'ющымъ
ра'зумъ. Научу' бо ва'съ и='стинjь, да буде'тъ w= гд\сjь наде'жда
ва'ша, и= и=спо'лнитеся дх~а.

%< При'тчей чте'нiе. [Гла'вы^ i~ и= а~<i>]

О<у>=%>ста` прв\днагw ка'плютъ прему'дрость, я=зы'къ же непра'веднагw
поги'бнетъ. О<у>=стнjь` муже'й прв\дныхъ ка'плютъ бл~года^ти,
о<у>=ста' же нечести'выхъ развраща'ются. Мjь^рила льсти^вая ме'рзость
пред\ъ гд\се'мъ: вjь'съ же прв\дный прiя'тенъ <е>=му`. И=дjь'же
а='ще вни'детъ досажде'нiе: та'мw и= безче'стiе: о<у>=ста' же
смире'нныхъ поуча'ются прему'дрости. Соверше'нiе пра'выхъ наста'витъ
и=`хъ, и= поползнове'нiе w\трица'ющихся о<у>=пасе'тъ и=`хъ: Не
по'льзуютъ и=мjь^нiя въ де'нь jа='рости, пра'вда же и=зба'витъ
w\т сме'рти. О<у>='меръ прв\дный, w=ста'ви раска'янiе: нару'чна
же быва'етъ и= посмjья'тельна нечести'выхъ па'губа. Пра'вда непоро'чнагw
и=справля'етъ пути^, въ нече'стiе же па'даетъ непра'вда. Пра'вда
муже'й пра'выхъ и=зба'витъ и=`хъ: безсовjь'тiемъ же плjьня'ются
беззако'ннiи. Сконча'вшуся му'жу прв\дну, не поги'бнетъ наде'жда:
похвала' же нечести'выхъ поги'бнетъ. Прв\дникъ w\т ло'ва о<у>=бjь'гнетъ,
вмjь'стw же <е>=гw` предае'тся нечести'вый. Во о<у>=стjь'хъ нечести'выхъ
сjь'ть гра'жданwмъ, чу'вство же прв\дныхъ бл~гопоспjь'шное. Во
бл~ги'хъ прв\дныхъ и=спра'вится гра'дъ, и= въ поги'бели нечести'выхъ
ра'дованiе: Во бл~гослове'нiи пра'выхъ возвы'сится гра'дъ, о<у>=сты^
зjь нечести'выхъ раскопа'ется. Руга'ется гра'жданwмъ лише'нный
ра'зума, му'жъ же му'дрый безмо'лвiе во'дитъ.

%< Прему'дрости соломw'новы чте'нiе. [глава` г~.]

П%>рв\дны'хъ ду'шы въ ру'цjь` бж~iей, и= не прико'снется и='хъ
му'ка: Непщева'ни бы'ша во <о>=чесjь'хъ безу'мныхъ о<у>=мре'ти,
и= вмjьни'ся w=sлобле'нiе и=схо'дъ и='хъ: И= <е>='же w\т на'съ
ше'ствiе сокруше'нiе, <о>=ни' же су'ть въ ми'рjь. И='бо пред\ъ
лице'мъ человjь'ческимъ, а='ще и= му'ку прiи'мутъ, о<у>=пова'нiе
и='хъ безсме'ртiя и=спо'лнено: И= вма'лjь нака'зани бы'вше, вели'кими
бл~годjь'тельствовани бу'дутъ, jа='кw бг~ъ и=скуси` я=`, и= w=брjь'те
и=`хъ досто'йны себjь`. Jа='кw зла'то въ горни'лjь и=скуси` и=`хъ,
и= jа='кw всепло'дiе же'ртвенное прiя'тъ я=`. И= во вре'мя посjьще'нiя
и='хъ возсiя'ютъ: и= jа='кw и='скры по сте'блiю потеку'тъ: Су'дятъ
jа=зы'кwмъ, и= w=блада'ютъ людьми`, и= воцр~и'тся гд\сь въ ни'хъ
во вjь'ки. Надjь'ющiися на'нь разумjь'ютъ и='стину, и= вjь'рнiи
въ любви` пребу'дутъ <е>=му`. Jа='кw бл~года'ть и= мл\сть въ прп\дбныхъ
<е>=гw`, и= посjьще'нiе во и=збра'нныхъ <е>=гw`.

%< На лiтi'и стiхи'ра хра'ма. И= ст~а'гw стiхи^ры, гла'съ s~.

П%>рiиди'те, празднолю'бцы и= по'стникwвъ сосло'вiе, вjь'рою соше'дшеся,
и='стиннаго по'стника почти'мъ дне'сь се'ргiа, съ весе'лiемъ
ше'ствовавшаго по стопа'мъ вл\дки своегw` о<у>='зкiй пу'ть, и=
безстра'стную жи'знь, и= вjь'рою возопiи'мъ: <w> всебл~же'нне
прп\дбныхъ сожи'телю, и= по'стникwвъ похвало`! w= на'съ моли'ся
ко гд\су, поми'ловатися душа'мъ на'шымъ.

_%< П%>рп\дбне и= бг~оно'се се'ргiе, любве` ра'ди хр\сто'вы вся^
w=ста'вилъ <е>=си`, и= въ пусты'ню вше'дъ, ника'коже о<у>=боя'лся
<е>=си` неви'димыхъ врагw'въ кова'рствiя: а='ще бо и= мно'гажды
прiидо'ша на тя`, скрежета'нiемъ зу'бнымъ jа='рость показу'юще:
ты' же мл~твами твои'ми, jа='кw ды'мъ без\ъ вjь'сти си'хъ сотвори'лъ
<е>=си`. <w> непоро'чныя твоея` души`, и= крjь'пкагw терпjь'нiя
твоегw`! хр\ста` непреста'ннw моли` сп~сти'ся душа'мъ на'шымъ.

_%< Р%>wссi'йская о<у>='бw всеwсщ~е'нная, и= вели'кая цр~ковь, съ
правосла'вными кня'зи, мона'хи же и= просты'ми <е>=v\гльскихъ
и=сто'чникwвъ струя'ми напои'вшеся, духо'внw весели'мся, въ наро'читомъ
пра'здницjь, до'брагw па'стыря и= о<у>=чи'теля, и= цjьл<е>'бныя
<е>=гw` мо'щы w=бстоя'ще любе'знw w=блобыза'емъ. и= си'хъ jа='кw
цвjь'ты пjь'сньми и= хвала'ми о<у>=вязе'мъ реку'ще: ра'дуйся,
се'ргiе бл~же'нне, нб\сный человjь'че, земны'й а='гг~ле, и= дх~а
ст~а'гw <о>=би'тель. ра'дуйся, jа='кw мно'гихъ ко сп~се'нному
пути` наста'вилъ <е>=си`. ра'дуйся, бл~говjь'рному i=мпера'тору
на'шему похвала` и= о<у>=твержде'нiе. прп\дбне се'ргiе бг~опрiя'тне,
<о>=те'честву твоему` пресвjь'тлый свjьти'льниче, и= мл~твенниче
w= душа'хъ на'шыхъ.

%< Сла'ва, гла'съ s~:

_ П%>рiиди'те мона'шествующихъ мно'жество дне'сь, се'ргiа бл~гоче'стiя
подража'теля пjь'сньми и= пjь'ньми восхва'лимъ, и= чт\сну'ю <е>=гw`
и= многоцjьле'бную ра'ку w=бстоя'ще, любе'знw w=блобыза'емъ,
глаго'люще: ра'дуйся, пресла'вне се'ргiе, <о>=те'честву твоему`
пресвjь'тлый свjьти'льниче. ра'дуйся, jа='кw чи'стjь чт\сjь'йшему
свjь'ту совокупи'вся. ра'дуйся, jа='кw тр\оцjь предстои'ши со
а='гг~лы: ю='же непреста'ннw моли`, дарова'ти душа'мъ на'шымъ
ве'лiю мл\сть.

%< И= ны'нjь, бг~оро'диченъ:

_ Т%>воре'цъ и= и=зба'витель мо'й, преч\стая, хр\сто'съ гд\сь, и=з\ъ
твои'хъ ложе'снъ проше'дъ, въ мя` w=болкi'йся, пе'рвыя кля'твы
а=да'ма свободи`. тjь'мже ти` всеч\стая, jа='кw бж~iи мт~ри же
и= дв~jь вои'стинну, вопiе'мъ немо'лчнw: ра'дуйся а='гг~льски,
ра'дуйся вл\дчце, предста'тельство и= покро'ве, и= сп~се'нiе
ду'шъ на'шихъ.

%< На стiхо'внjь стiху^ры, гла'съ а~.

Подо'бенъ: Н%>б\сныхъ чинw'въ:

%< Н%>аста`, бг~оно'се, со'лнца свjьтлjь'йши тво'й пра'здникъ, w=заря'я
приходя'щыя къ тебjь` вjь'рою, и= безсме'ртiе бл~гоуха'етъ: душа'мъ
же и=сточа'етъ нетлjь'нiе w\т ст~а'гw твоегw` тjьлесе`, се'ргiе
прп\дбне, мл~твенниче w= душа'хъ на'шихъ.

_%< Стi'хъ: Ч%>т\сна` пред\ъ гд\семъ сме'рть прп\дбныхъ <е>=гw`.

_%< Ч%>у'вств<е>нныя стра^сти тjьл<е>'сныя побjьди'лъ <е>=си`, воздержа'нiя
брозда'ми, чудодjь'йственне се'ргiе, и= ре'вность къ безплw'тнымъ
на земли` показа'лъ <е>=си`, все' же плотско'е жела'нiе дх~у
повину'лъ <е>=си`. тjь'мъ и= ны'нjь въ нб\сныхъ дво'рjьхъ водворя'яся,
моли` w= душа'хъ на'шихъ.

_%< Стi'хъ: Б%>л~же'нъ му'жъ боя'йся гд\са, въ за'повjьдехъ <е>=гw`
восхо'щетъ sjьлw`.

_%< Б%>л~же'нне се'ргiе, w=снова'нiе положи'въ добродjь'тели, дре'внягw
человjь'ка совле'кся съ похотьми`, и= въ хр\ста` w=бле'клся <е>=си`
и='стину. тjь'мъ w=бличи'лъ <е>=си`, прп\дбне, мнw'гая врагw'въ
w=полч<е>'нiя, наста'вникъ мона'хwвъ бы'въ, моли` сп~сти'ся душа'мъ
на'шымъ.

%< Сла'ва, гла'съ и~.

_%< М%>она'хwвъ мно'ж<е>ства наста'вника тя` почита'емъ, <о>='тче
на'шъ се'ргiе: твое'ю бо стезе'ю вои'стинну пра'вw ходи'ти позна'хомъ.
бл~же'нъ <е>=си` хр\сту` рабо'тавъ, и= вра'жiю w=бличи'лъ <е>=си`
си'лу, а='гг~лwвъ собесjь'дниче и= прп\дбныхъ соприча'стниче
и= прв\дныхъ: съ ни'миже моли'ся гд\сви, поми'ловатися душа'мъ
на'шымъ.

%< И= ны'нjь, бг~оро'диченъ:

_ Б%>езневjь'стная дв~о, jа='же бг~а неизрече'ннw заче'нши пло'тiю,
мт~и бг~а вы'шнягw, твои'хъ рабw'въ мольбы^ прiими` всенепоро'чная,
всjь^мъ подаю'щи w=чище'нiе прегрjьше'нiй. ны'нjь на^ша мол<е>'нiя
прiе'млющи, моли` сп~сти'ся всjь^мъ на'мъ.

%< Тропа'рь. [пи'санъ на ма'лjьй вече'рни.]

%<_%>

%< На о<у>='трени,

тропа'рь ст~а'гw два'жды.

Сла'ва, и= ны'нjь, бг~оро'диченъ:

По а~-мъ стiхосло'вiи сjьда'ленъ, гла'съ и~.

Подо'бенъ: П%>рему'дрости:

%< В%>е'сь w=сщ~е'нъ и= бг~оно'сенъ показа'лся <е>=си`, мi'ра и=
бога'тства свjь'тлости, и= вся^ <е>=ли^ка ви'димыхъ добрw'тъ
маловре'менныхъ преwби'дjьвъ, смире'нiемъ же и= нището'ю вл\дцjь
хр\сту` послjь'довалъ <е>=си`, собра'въ мона'хwвъ мно'ж<е>ства,
и= си'хъ правосла'вiя о<у>=че'ньми просвjьти'лъ <е>=си`. тjь'мъ
и= по кончи'нjь нестарjь'емую бл~года'ть прiя'лъ <е>=си`, и=
во гро'бjь лежя` нетлjь'ненъ пребыва'еши, се'ргiе бг~обл~же'нне,
моли` хр\ста` бг~а, согрjьше'нiй w=ставле'нiе дарова'ти чту'щымъ
любо'вiю ст~у'ю па'мять твою`. %<[Два'жды.]

Сла'ва, и= ны'нjь, бг~оро'диченъ:

_%< Jа='%>кw всенепоро'чная невjь'сто творца`, jа='кw неискусому'жная
мт~и и=зба'вителя, прiя'телище jа='кw су'щи о<у>=тjь'шителя,
всепjь'тая, беззако'нiя мя` су'ща скве'рно жили'ще, и= де'монwвъ
и=гра'лище въ ра'зумjь бы'вша, потщи'ся и= си'хъ sлодjь'йствiя
мя` и=зба'вити, свjь'тло жили'ще добродjь'тельми содjь'лавши.
свjьтода'тельная и= нетлjь'нная, разжени` <о>='блакъ страсте'й,
и= вы'шнягw прича'стiя сподо'би, и= свjь'та невече'рнягw мл~твами
твои'ми.

%< По в~-мъ стiхосло'вiи сjьда'ленъ, гла'съ г~.

Подо'бенъ: К%>расотjь` дв\ства:

_%< <Е>='%>же къ бг~у мудрова'нiе горjь` и=мjь'я, <о>='тче, и= jа=`же
на земли` w=ста'вилъ <е>=си`, и= мно'гими болjь'зньми свjь'тлw
твое` житiе` и=з\ъясни'въ, вся'кiя же бж~е'ственныя добродjь'тели
<о>=би'тель показа'вся, въ мл~твахъ и= мольба'хъ и= поще'нiихъ
гд\су прибли'жился <е>=си`. моли` хр\ста` бг~а, сп~сти'ся душа'мъ
на'шымъ. %< [Два'жды.]

Сла'ва, и= ны'нjь, бг~оро'диченъ:

_ Jа='%>кw невоздjь'ланна дв~о лоза`, прекра'сный гро'здъ хр\ста`
возрасти'ла <е>=си`, и=сточа'юща на'мъ вiно` сп~си'тельное, всjь'хъ
веселя'щее ду'шы и= тjьлеса`. тjь'мже jа='кw вино'вну тя` до'брыхъ
о<у>=бл~жа'юще, при'снw со а='гг~ломъ вопiе'мъ ти`: ра'дуйся,
w=бра'дованная.

%< По полv"еле'и сjьда'ленъ, гла'съ и~.

Подо'бенъ: П%>рему'дрости:

_%< <Е>=%>гда`, бл~же'нне, бж~е'ственному жела'нiю о<у>='мъ тво'й
впери'въ, тогда` w=ста'вилъ <е>=си` вся^ до'лу влеку^щая мудрова^нiя,
и= въ пусты'ню всели'вся, jа='кw крi'нъ процвjь'лъ <е>=си` добродjь'тели
прекра'сный, и= страсте'й и=скорени'въ те'рнiе, въ не'мъ насади'лъ
<е>=си` плоды` трудw'въ твои'хъ. тjь'мже и= пожа'лъ <е>=си` рукоя'ти
неw\те'млемо бога'тство на нб~сjь'хъ: се'ргiе прп\дбне, моли`
хр\ста` бг~а, согрjьше'нiй w=ставле'нiе дарова'ти чту'щымъ любо'вiю
ст~у'ю па'мять твою`. %<[ Два'жды.]

Сла'ва, и= ны'нjь, бг~оро'диченъ:

_ W=%> тебjь` ра'дуется, бл~года'тная, вся'кая тва'рь, а='гг~льскiй
собо'ръ, и= человjь'ческiй ро'дъ, w=сщ~е'нный хра'ме, и= раю`
слове'сный, дjь'вственная похвало`, и=з\ъ нея'же бг~ъ воплоти'ся,
и= мл\днцъ бы'сть, пре'жде вjь^къ сы'й б~гъ на'шъ: ложесна' бо
твоя^ пр\сто'лъ сотвори`, и= чре'во твое` прстра'ннjье нб~съ
содjь'ла. w= тебjь` ра'дуется, бл~года'тная, вся'кая тва'рь, сла'ва
тебjь`.

%< Степ<е>'нна, а~-й а=нтiфw'нъ д~-гw гла'са.

_ Прокi'менъ: Ч%>т\сна` пред\ъ гд\семъ сме'рть прп\дбныхъ <е>=гw`.

_%< Стi'хъ: Ч%>то` возда'мъ гд\сви w= всjь'хъ, jа=`же воздаде' ми;

%< <Е>=v\глiе w\т матfе'а, зача'ло м~г.

По н~-мъ <пс>алмjь` стiхи'ра, гла'съ s~.

_ И='%>же на земли` а='гг~ла, и= на нб~си` человjь'ка бж~iя, мi'ра
бл~го'е о<у>=краше'нiе, пи'щу бл~ги'хъ добродjь'тельныхъ, по'стникwвъ
похвалу`, се'ргiа вели'каго почти'мъ: насажде'нъ бо въ дому`
гд\сни, и= процвjьте` пра'веднw, jа='кw ке'дръ въ пусты'ни, о<у>=мно'живъ
ста'до хр\сто'во слове'сныхъ <о>=ве'цъ, въ прп\дбствjь и= пра'вдjь.

%< Канw'нъ бц\ды со i=рмосо'мъ на s~, и= ст~а'гw на и~.

Канw'нъ прест~ыя бц\ды, гла'съ s~.

Пjь'снь а~.

_ I=рмо'съ: Jа='%>кw по су'ху пjьшеше'ствовавъ i=и~ль по бе'зднjь
стопа'ми, гони'теля фараw'на ви'дя потопля'ема, бг~у побjь'дную
пjь'снь пои'мъ, вопiя'ше.

_%< П%>рича'щшися <е>='vа са'да, преслуша'ннагw бра'шна, кля'тву
введе`: но сiю` разрjьши'ла <е>=си`, чт\сая, бл~гослове'нiя нача'токъ,
хр\ста` ро'ждши.

_%< Jа='%>же би'сера w\т бж~е'ственныя мо'лнiи хр\ста ро'ждши, страсте'й
мои'хъ мглу`, и= прегрjьше'нiй смуще'нiе, чт\сая, разжени` свjь'томъ
твоея` свjь'тлости.

_%< Jа=%>зы'кwвъ жда'нiе i=а'кwвъ, и=з тебе` воплоща'емаго предзря'ше
та'йнw о<у>='мными <о>=чесы`, бг~а, и=зба'вльшаго на'съ хода'тайствомъ
твои'мъ.

_%< W=%>скудjь'вшымъ нача'льникwмъ w\т пле'мене i=у'дова, преч\стая,
сн~ъ тво'й и= бг~ъ, проше'дъ во'ждь, на'д\ъ концы` земны'ми ны'нjь
вои'стинну воцр~и'ся.

%< Канw'нъ прп\дбнагw се'ргiа. [<Е>=гw'же краестро'чiе сицево`:
Се'ргiа похвали'ти, бж~е мо'й, да'руй ми`.] Гла'съ и~.

Пjь'снь а~.

_ I=рмо'съ: К%>олесницегони'теля фараw'ня погрузи`, чудотворя'й
и=ногда` мwv"се'йскiй же'злъ, кр\стоwбра'знw порази'въ, и= раздjьли'въ
мо'ре: i=и~ля же бjьглеца`, пjьшехо'дца сп~се`, пjь'снь бг~ови
воспjьва'юща.	

_%< Х%>р\ста` на'съ ра'ди во'лею смири'вшагося, да'же до ра'бiя w='браза
подража'въ, возлюби'лъ <е>=си` смире'нiе, и= sjь'льнымъ бдjь'нiемъ
и= мл~твами, душегу^бныя стра^сти о<у>=мертви'въ, на го'ру безстра'стiя
возше'лъ <е>=си`, се'ргiе пребога'те.

_%< Jа='%>кw свjьти'льникъ свjь'та, твою` ду'шу сле'зными пото'ки
о<у>=краша'я, и= друга'го i=саа'ка подо'бнw са'мъ себе` возне'слъ
<е>=си`, прп\дбне, и= се'рдце твое` бг~у поже'рлъ <е>=си`.

_%< И=`%>же во чре'вjь ма'терни трикра'ты проглаше'нiемъ, тр\оцы
служи'тель показа'лся <е>=си`, и= трисо'лнечнымъ свjь'томъ w=заря'емь,
де'мwнская w=полч<е>'нiя jа='кw паучи'ну разори'лъ <е>=си`, пребл~же'нне
се'ргiе.

_%< Бг~оро'диченъ: З%>ако'нwвъ кромjь` <е>=сте'ственныхъ родила`
<е>=си` законода'вца бг~а и= чл~вjь'ка бы'вша. того`, jа='кw бл~га,
моли` всенепоро'чная, на^ша беззакw'нiя презрjь'ти, вопiю'щихъ
всегда`: пои'мъ гд\су, сла'внw бо просла'вися.

%<Другi'й канw'нъ ст~а'гw. Гла'съ а~.

Пjь'снь а~.

_ I=рмо'съ: Т%>воя` побjьди'тельная десни'ца бг~олjь'пнw въ крjь'пости
просла'вися: та' бо, безсме'ртне, jа='кw всемогу'щая, проти^вныя
сотре`, i=и~льтянwмъ пу'ть глубины` новосодjь'лавшая.

_%< Л%>убо'вiю хр\сто'вою о<у>=тверди'лся <е>=си`, прп\дбне, и= jа=ви'лся
<е>=си` jа='кw рjька`, <о>=би'льнw всю` зе'млю напая'я сло'вомъ
о<у>=че'нiя, бг~обл~же'нне се'ргiе: тjь'мже па'мять твою` любо'вiю
о<у>=бл~жа'емъ.

_%< Т%>вое'ю руко'ю бы'сть бл~гослове'нiе, бж~е'ственнымъ манове'нiемъ,
невла'жная бо земля` твое'ю мл~твою во'ду и=сточи`, ю='же ны'нjь
почерпа'юще, и=сцjьле'нiе прiе'млемъ незави'стно, прп\дбне се'ргiе.

_%< В%>е'сь w\т ю='ности бг~у w=ст~и'лся <е>=си`, къ нему` добродjь'тельми
приближа'яся: тлjь^нная бо jа=`же на земли` w=ста'вивъ, нб\сное
w=брjь'лъ <е>=си` бога'тство.

_%< Бг~оро'диченъ: Р%>а'дуйся, бл~года'ти и=сто'чниче. ра'дуйся, лjь'ствице
и= две'ре нб\сная. ра'дуйся, свjь'щниче и= ста'мно злата'я, и=
горо` несjько'мая, jа='же жизнода'вца хр\ста` мi'ру родила` <е>=си`.

_%< Катава'сiа: W\т%>ве'рзу о<у>=ста` моя^:

%< Пjь'снь г~.

_ I=рмо'съ: Н%>jь'сть ст~ъ, jа='коже ты`, гд\си бж~е мо'й, вознесы'й
ро'гъ вjь'рныхъ твои'хъ, бл~же, и= о<у>=тверди'вый на'съ на ка'мени
и=сповjь'данiя твоегw`.

_%< Т%>лjь'нную мою` пло'ть и= сме'ртную, всеч\стая бг~омт~и, и=з\ъ
чре'ва твоегw` несказа'ннw прiе'мъ бл~гi'й, и= w=безтлjь'нивъ
сiю`, вjь'чнjь себjь` связа'лъ <е>='сть.

_%< Б%>г~а воплоща'ема и=з\ъ тебе` зря'ще, дв~о, о<у>=жаса'хуся стра'хомъ
ли'цы а='гг~льстiи: и= jа='кw мт~рь бж~iю немо'лчными пjь'сньми
тя` почита'ютъ.

_%< О<у>=%>жасе'ся, го'ру о<у>='мную ви'дjьвъ тя`, пр\оро'къ данiи'лъ,
и=з\ъ нея'же ка'мень w\тсjьче'ся кромjь` ру'къ, и= де'мwнская
ка^пища, бг~омт~и, крjь'пкw сокруши`.

_%< Н%>е мо'жетъ сло'во тя` человjь'ческое, ниже` я=зы'къ, дв~о,
похвали'ти досто'йнw: и=з\ъ тебе' бо без\ъ сjь'мене жизнода'вецъ
хр\сто'съ воплоти'тися, преч\стая, бл~говоли`.

%< И='нъ.

_ I=рмо'съ: О<у>=%>твержде'й въ нача'лjь нб~са` ра'зумомъ, и= зе'млю
на вода'хъ w=снова'вый, на ка'мени мя`, хр\сте`, за'повjьдей
твои'хъ о<у>=тверди`, jа='кw нjь'сть ст~ъ, па'че тебе`, <е>=ди'не
чл~вjьколю'бче.

_%< Б%>л~ги'хъ w='бразъ тебе` да'въ твои^мъ о<у>=ченикw'мъ, и= привле'клъ
<е>=си` мно'ги ду'шы во сп~се'нiе, w\тлучи'вшихся мiрска'гw пристра'стiя,
и=`же о<у>=тjьше'нiе о<у>=лучи'ша ра'йскагw наслажде'нiя.

_%< Jа='%>кw добропло'дная ма'слина въ дому` бж~iи, бл~же'нне, процвjь'лъ
<е>=си`, и= <е>=ле'емъ о<у>=маща'я ду'шы, любо'вiю тя` пою'щихъ,
пребл~же'нне се'ргiе, и= вjь'рою хр\сту` вопiю'щихъ: нjь'сть
ст~ъ, па'че тебе`, чл~вjьколю'бче.

_%< С%>тра^сти душетлjь^нныя о<у>=спи'лъ <е>=си` бо'дренными бдjь'нiи
бл~же'нне: и= си'хъ ра'ди въ черто'гъ нб\сный всели'лся <е>=си`,
прiе'мъ бг~ому'дре, се'ргiе, бл~года'ть и=сцjьле'нiй.

_%< Бг~оро'диченъ: Х%>ерубi'мwвъ и= серафi'мwвъ превы'шши jа=ви'лася
<е>=си`, бц\де: ты' бо <е>=ди'на прiя'ла <е>=си` невмjьсти'маго
бг~а во чре'вjь твое'мъ, нескве'рная. тjь'мже тя` вси` вjь'рнiи
пjь'сньми, чт\сая, о<у>=бл~жа'емъ.

%< И='нъ.

_ I=рмо'съ: <Е>=%>ди'не вjь'дый человjь'ческагw существа` не'мощь,
и= ми'лостивнw въ не` воwбра'жся, препоя'ши мя` съ высоты` си'лою,
<е>='же вопи'ти тебjь` ст~ы'й, w=душевле'нный хра'ме, неизрече'нныя
сла'вы твоея` чл~вjьколю'бче.

_%< Т%>лjь'нную сла'ву презрjь'въ, бл~же'нне, нетлjь'нныя и= бж~е'ственныя
сла'вы наслjь'дникъ бы'ти сподо'бился <е>=си`: всю' бо попра'въ
житiя` красоту`, со а='гг~лы въ вы'шнихъ бж~е'ственныя сла'вы
наслажда'ешися.

_%< Р%>а'ломъ мл~твеннымъ, прп\дбне, зе'млю се'рдца твоегw` w=бнови'въ,
и= сiю` насjь'явъ сjь'менемъ трудw'въ твои'хъ, и= jа=ви'лся <е>=си`
прекра'сная сло'ва пшени'ца, и= дости'глъ <е>=си` незаходи'магw
свjь'та селе'нiе.

_%< Д%>х~а ст~а'гw сiя'ньми почте'нъ, и= свjьтоно'снымъ житiе'мъ
о<у>=краси'лся <е>=си`, тре'бующымъ подава'я неwску'днw, и= прiе'мля
съ любо'вiю мона'шествующихъ чи'ны, <о>='тче прп\дбне.

_%< Бг~оро'диченъ: И=%>з\ъ тебе` прозябе`, чт\сая, цвjь'тъ неувяда'емый,
w=бл~гово'нствуя все` челове'чество бж~е'ственнымъ мv'ромъ <е>=стества`
своегw`, и='же и= <о>=ц~у` собезнача'льный, и=з\ъ тебе` бы'сть
под\ъ лjь'томъ, дв~о всенепоро'чная.

%< Сjьда'ленъ, гла'съ д~.

Подо'бенъ: В%>ознесы'йся на кр\стъ:

_%< Jа='%>кw вои'стинну тлjь'нныхъ w=ста'вивъ нестоя'нное, хр\сту`
w\т души` послjь'довалъ <е>=си`, и= болjь'зньми и= труды` и=
sjь'льнымъ воздержа'нiемъ, jа='кw безпло'тенъ пожи'въ, пребл~же'нне
се'ргiе: моли` хр\ста` бг~а, сп~сти'ся душа'мъ на'шымъ. %<[ Два'жды.]

Сла'ва, и= ны'нjь, бг~оро'диченъ:

_ Х%>ерувi'мwвъ и= серафi'мwвъ превы'шши <е>=си`, бц\де, нб~се'
же и= земли` простра'ннjьйши, ви'димыя тва'ри и= неви'димыя jа=ви'лася
<е>=си` преиму'щи несосу'днымъ сосужде'нiемъ: <е>=гw'же бо простра'нствiя
нб~са` не вмjьща'ютъ, въ твое'й о<у>=тро'бjь вмjьсти'ла <е>=си`,
чт\сая, <е>=го'же моли`, сп~сти'ся рабw'мъ твои^мъ.

%< Пjь'снь д~.

_ I=рмо'съ: Х%>р\сто'съ моя` си'ла, бг~ъ и= гд\сь чт\сна'я цр~ковь
бг~олjь'пнw пое'тъ взыва'ющи, w\т смы'сла` чи'ста w= гд\сjь пра'зднующи.

_%< П%>ое'мъ, преч\стая, тя` всенепоро'чную, и=`же тобо'ю сп~сшiися,
и= бл~гоче'стнw пою'ще взыва'емъ: бл~гослове'нна, jа='же бг~а,
приснодв~о, ро'ждшая.

_%< С%>вjь'тъ незаходи'мый, дв~о, родила` <е>=си`, су'щымъ во тьмjь`
житiя` пло'тiю свjьтя'щь, всебл~же'нная: и= пою'щымъ тя` ра'дость,
приснодв~о, и=сточи'ла <е>=си`.

_%< Б%>л~года'ть процвjьте`, зако'нъ преста` тобо'ю, всест~а'я: ты'
бо, чт\сая, родила` <е>=си` гд\са, подаю'щаго на'мъ приснодв~о,
w=ставле'нiе.

_%< М%>е'ртва мя` показа` са'да вкуше'нiе, жи'зни же дре'во, и=з\ъ
тебе` jа='вльшееся, пречт\сая, воскреси`, и= ра'йскiя сла'дости
наслjь'дника мя` о<у>=стро'и.

%< И='нъ.

_ I=рмо'съ: Т%>ы` моя` крjь'пость, гд\си, ты` моя` и= си'ла, ты`
мо'й бг~ъ, ты` мое` ра'дованiе, не w=ста'вль нjь'дра <о>='ч~а,
и= на'шу нищету` посjьти'въ. тjь'мъ съ пр\оро'комъ а=вваку'момъ
зову' ти: си'лjь твое'й сла'ва чл~вjьколю'бче.

_%< Д%>х~а прест~а'гw хра'мъ, <о>='тче, бы'лъ <е>=си`, и= жи'зненныхъ
во'дъ рjька` и=сполня'ема, w=снова'нiе непоколеби'мо цр~кве,
мона'шествующихъ о<у>=твержде'нiе, се'ргiе досточу'дне.

_%< П%>р\оро'чески сле'зными ка'плями на вся'къ де'нь посте'лю w=моча'я,
се'ргiе сла'вне, до'ндеже до конца` страсте'й пучи'ну и=зсуши'лъ
<е>=си`: тjь'мже па'мять твою` почита'емъ, присночт\сну'ю и=
сщ~е'нную.

_%< Л%>ице` хр\сто'во лице'мъ, прп\дбне се'ргiе, зрjь'ти сподо'бился
<е>=си`, зерца'лwмъ вои'стинну разрjь'шшымся: сiе' бо и= w\т
мi'ра w\тлучи' тя къ возлю'бленному жела'нiю.

_%< Бг~оро'диченъ: W=%>чище'нiе на'шихъ да'руй невjь'дjьнiй, jа='кw
безгрjь'шенъ, и= о<у>=мири` мi'ръ тво'й, бж~е, мл~твами ро'ждшiя
тя`.

%< И='нъ.

_ I=рмо'съ: Г%>о'ру тя` бл~года'тiю бж~iею прiwсjьне'нную, прозорли'выма
а=вваку'мъ о<у>=смотри'въ <о>=чи'ма, и=з\ъ тебе` и=збы'ти i=и~леву
провозглаша'ше ст~о'му, во сп~се'нiе на'ше и= w=бновле'нiе.

_%< П%>росвjьща'емь свjьтолу'чными заря'ми, пребл~же'нне, наслажде'нiе
нб\сное прiя'лъ <е>=си` ра'дуяся. jа='кw вои'стинну чистjь'йшiй
хлjь'бъ творцу` бы'лъ <е>=си`, му'дре се'ргiе, <е>=му'же взыва'я:
си'лjь твое'й сла'ва, чл~вjьколю'бче.

_%< С%>тра^сти душетлjь^нныя преше'дъ, и= во глубину` безмо'лвiя
вше'дъ, и= пре'жде w\трjьше'нiя тjьле'снагw сою'за о<у>=ме'ршее
<о>=троча` возста'вилъ <е>=си`, и= па'че наде'жди роди'телю <е>=гw`
ра'дость сотвори'лъ <е>=си`. тjь'мъ о<у>=диви'вся, творцу` вопiя'лъ
<е>=си`: си'лjь твое'й сла'ва, чл~вjьколю'бче.

_%< Д%>уше'вный ра'зумъ впери'въ, сла'вне, и= чу^вствiя w=корми'въ,
му'дре, ст~ы'ню бл~гоче'стiя су'щымъ на земли` возвjьсти'лъ <е>=си`
къ нб\сному ше'ствiю.

_%< Бг~оро'диченъ: Р%>а'дость тебjь`, чт\сая, jа=ви`, съ нб~се` преше'дъ
а=рхiстрати'гъ, бл~говjьсти` ре'къ: бг~ъ и=зы'детъ пло'тiю и=з\ъ
тебе`, дв~о преч\стая, во сп~се'нiе любо'вiю пою'щихъ тя`. сла'ва
си'лjь твое'й, человjь'кwмъ помо'щнице.

%< Пjь'снь <е>~.

_ I=рмо'съ: Б%>ж~iимъ свjь'томъ твои'мъ, бл~же, о<у>='тренюющихъ
ти` ду'шы любо'вiю w=зари` молю'ся, тя` вjь'дети, сло'ве бж~iй,
и='стиннаго бг~а, w\т мра'ка грjьхо'внагw взыва'юща.

_%< Ч%>истото'ю возсiя'вши свjь'тлw, бж~е'ственное пребыва'нiе вл\дки,
всепjь'тая, была` <е>=си`: ты' бо <е>=ди'на мт~и бж~iя jа=ви'лася
<е>=си`, во w=б\ъя'тiихъ jа='кw мл\днца сего` носи'вши.

_%< Н%>ося'щи добро'ту о<у>='мную краснjь'йшiя твоея` души`, невjь'ста
бж~iя была` <е>=си`, запеча'тствована дjь'вствомъ, чт\сая, и=
свjь'томъ чистоты` мi'ръ просвjьща'ющи.

_%< Д%>а рыда'етъ собра'нiе sлочести'выхъ, не проповjь'дающихъ тя`
jа='вjь чт\сую бг~омт~рь: ты' бо врата` бж~е'ственнагw свjь'та
jа=ви'лася <е>=си` на'мъ, мра'къ прегрjьше'нiй разгоня'ющи.

%< И='нъ.

_ I=рмо'съ: В%>ску'ю мя` w\три'нулъ <е>=си` w\т лица` твоегw`, свjь'те
незаходи'мый, и= покры'ла мя` <е>='сть чужда'я тьма` <о>=кая'ннаго;
но w=брати' мя, и= къ свjь'ту за'повjьдей твои'хъ пути^ моя^
напра'ви, молю'ся.

_%< В%>ъ поще'нiихъ непрекло'ненъ пребы'лъ <е>=си`, му'дре, и= до
w\тше'ствiя своегw` храня` сiе` <о>=па'снw, и='мже сподо'бился
<е>=си` jа='вjь нетлjь'ннагw бл~же'нства.

_%< <О>='%>стръ о<у>='мъ и=мjь'я къ бг~у внима'ти, стра^сти душетлjь^нныя
о<у>=спи'лъ <е>=си`, <о>='тче, и= снопы` бл~гопло'дiя пожа'лъ
<е>=си`, пита'я бл~гоче'стнw восхваля'ющыя тя`, прп\дбне <о>='тче
се'ргiе.

_%< С%>вjь'тло житiе` твое`, прп\дбне се'ргiе, и= и=звjь'стно всjь^мъ
конц<е>'мъ jа=ви'ся, и= бж~е'ственныя добро'ты и=спо'лнено, мл~твами
же и= поще'ньми, и= любо'вiю, jа='же ко хр\сту` чл~вjьколю'бцу.

_%< Бг~оро'диченъ: Т%>я` стjь'ну и=му'ще, и= заступле'нiемъ твои'мъ
соблюда'еми, твое'ю бж~е'ственною сла'вою хва'лящеся, тя` о<у>=бл~жа'емъ:
ты' бо, преч\стая, душа'мъ на'шымъ и=сточа'еши весе'лiе и= ра'дованiе.

%< И='нъ.

_ I=рмо'съ: Б%>г~ъ сы'й ми'ра, <о>=ц~ъ щедро'тъ, вели'кагw совjь'та
твоегw` а='гг~ла, ми'ръ подава'юща посла'лъ <е>=си` на'мъ: тjь'мъ
бг~оразу'мiя къ свjь'ту наста'вльшеся, w\т но'щи о<у>='тренююще,
славосло'вимъ тя`, чл~вjьколю'бче.

_%< W=%>бетша'вшагw человjь'ка jа='вjь, <о>='тче, совле'кся <е>=си`,
и= jа='кw скве'рну ри'зу w\тве'ргъ съ грjьхо'вными страстьми`,
въ но'вагw w=бле'кся <е>=си`, <е>='же по подо'бiю w= хр\стjь`,
всеч\стне.

_%< С%>тра^стныя о<у>='зы расто'ргъ высо'кимъ твои'мъ равноа'гг~льнымъ
житiе'мъ, и= свы'ше прiи'мъ чудодjь'йствiя дарова'нiе, согрjьше'нiй
на'шихъ w=чище'нiе, се'ргiе, и=спроси`.

_%< Бг~оро'диченъ: К%>ля'тву <е>='vы всjь'хъ прама'тере, твои'мъ
рж\ство'мъ, дв~о, о<у>=праздни'ла <е>=си`, мi'ру бл~гослове'нiе
возсiя'вши хр\ста`. тjь'мже тя` ра'дующеся, я=зы'комъ и= се'рдцемъ
бц\ду и='стиннw и=сповjь'дающе велича'емъ.

%< Пjь'снь s~.

_ I=рмо'съ: Ж%>ите'йское мо'ре, воздвиза'емое зря` напа'стей бу'рею,
къ ти'хому приста'нищу твоему` прите'къ, вопiю' ти: возведи`
w\т тли` живо'тъ мо'й, многомл\стиве.

_%< В%>ели'кiй преднаписа` во пр\оро'цjьхъ мwv"се'й тя`, ковче'гъ,
и= трапе'зу, и= свjь'щникъ, и= ста'мну, w=бра'знw назна'менуя
воплоще'нiе, <е>='же и=з\ъ тебе` высоча'йшагw, мт~и дв~о.

_%< О<у>=%>мерщвля'ется сме'рть, о<у>=пражня'ется и= тлjь'нiе а=да'мова
w=сужде'нiя, плоду` твоему`, <w> вл\дчце, прирази'вшееся: жи'знь
бо родила` <е>=си` w\т тли` и=збавля'ющую пою'щыя тя`.

_%< З%>ако'нъ и=знемо'же, и= пре'йде сjь'нь, па'че бо о<у>=ма` и=
по'мысла jа=ви'вшейся мнjь` бл~года'ти, jа='же и=з\ъ тебе` дв~о,
рж\ство'мъ бг~а и= сп~са, многопjь'тая.

%< И='нъ.

_ I=рмо'съ: W=%>чи'сти мя`, сп~се, мнw'га бо беззакw'нiя моя^, и=
и=з\ъ глубины` sw'лъ возведи`, молю'ся: къ тебjь` бо возопи'хъ,
и= о<у>=слы'ши мя`, бж~е сп~се'нiя моегw`.

_%< П%>а'мять твою` творя'щымъ сщ~е'нную, <о>='тче, не преста'й моля`
и=зба'вителя, дарова'ти согрjьше'нiй w=ставле'нiе и= нб\сное
цр\ство воспрiя'ти, и=дjь'же гла'съ пра'зднующихъ весели'тъ вся^.

_%< W=%> хр\стjь` о<у>=крjьпля'емь, вся^ кова^рствiя лука'вагw тве'рдымъ
о<у>=мо'мъ, се'ргiе, jа='коже сjь'ть, расто'ргнулъ <е>=си`, и=
пресвjь'тло свjьти'ло мi'ру, <о>='тче, показа'лся <е>=си`.

_%< С%>вjь'томъ бж~е'ственнымъ w=сiя'емь, и= со а='гг~лы ны'нjь на
нб~сjь'хъ водворя'яся помина'й вjь'рою чту'щихъ па'мять твою`,
прп\дбне се'ргiе приснопа'мятне.

_%< Бг~оро'диченъ: В%>озвы'сила <е>=си` вои'стинну па'дшее человjь'ческое
существо`, и='же w='бразомъ бж~е'ственнымъ и= <о>=ц~а` ра'венствомъ,
ви'димымъ сн~омъ неизмjь'ннымъ, бг~омт~и, без\ъ сjь'мене во чре'вjь
поноси'вши.

%< И='нъ.

_ I=рмо'съ: И=%>з\ъ о<у>=тро'бы i=w'ну мл\днца и=зблева` морскi'й
sвjь'рь, jа=кова` прiя'тъ: въ дв~у же все'льшееся сло'во, и=
пло'ть прiе'мшее, про'йде сохра'ншее нетлjь'нну. <е>=гw'же бо
не пострада` и=стлjь'нiя, ро'ждшую сохрани` неврежде'нну.

_%< Н%>а'съ свы'ше ста'до твое` w=заря'еши мл\стивнw, <о>='тче, i=мпера'тору
побjь'ду кр\стоно'сному подая` мл~твами твои'ми, возвыша'я ро'гъ
правосла'вныхъ. w\т на'съ же прiими`, а='ще и= ма'лое приноси'мое
тебjь` моле'нiе.

_%< Н%>а неду'зjьхъ разли'чныхъ и=сцjьле'нiя бл~года'ть тебjь` дарова'ся,
и= на ду'сjьхъ нечи'стыхъ w\т хр\ста` вла'сть, му'дре, jа='кw
бж~е'ственный до'блественникъ вjьне'цъ прiя'лъ <е>=си` побjь'ды,
w\т всjь'хъ цр\ствующагw.

_%< Бг~оро'диченъ: В%>е'сь ли'къ пр\оро'ческiй w\т бг~а науче'нъ,
твое` провозгласи` та'инство, несказа'ннагw бж~е'ственнагw зача'тiя,
<е>='же и=з\ъ тебе` сло'ва мт~и дв~о: ты' бо и='стинный нача'льный
свjь'тъ родила` <е>=си`.

%< Конда'къ, гла'съ и~.

Подо'бенъ: В%>збра'нной воево'дjь:

%< Х%>р\сто'вою любо'вiю о<у>=язви'вся, прп\дбне, и= тому` невозвра'тнымъ
жела'нiемъ послjь'довавъ, вся'кое наслажде'нiе плотско'е возненави'дjьлъ
<е>=си`, и= jа='кw со'лнце <о>=те'честву твоему` возсiя'лъ <е>=си`:
тjь'мъ и= хр\сто'съ да'ромъ чуде'съ w=богати` тя`. помина'й на'съ
чту'щихъ пресвjь'тлую па'мять твою`, да зове'мъ ти`: ра'дуйся,
се'ргiе бг~ому'дре.

_%< I='косъ: <Е>=%>v\гльскiй гла'съ, <о>='тче, о<у>=слы'шавъ, вся^
w=ста'вилъ <е>=си` плотска^я мудрова^нiя, бога'тство же и= сла'ву
jа='кw пра'хъ вмjьни'въ, и= на стра^сти jа='кw безпло'тенъ подвиза'вся,
и= безпло'тныхъ ликостоя'нi<е>мъ, че'сти сподо'бился <е>=си`.
ра'зума дарова'нiе прiя'лъ <е>=си`, <е>='же и= пода'ждь въ пjь'снехъ
пою'щымъ ти` си'це: ра'дуйся, се'ргiе прп\дбне и= бг~оно'се,
нб\сный человjь'че, земны'й а='гг~ле. ра'дуйся, дх~а ст~а'гw <о>=би'тель.
ра'дуйся, мл~твами бг~ода'ненъ да'ръ прiе'мый. ра'дуйся, jа='кw
пре'жде рожде'нiя проглаше'нiемъ просла'вивъ ст~у'ю тр\оцу, jа='же
тя` просла'ви въ жи'зни се'й и= по сме'рти. ра'дуйся, цjьлому'дрiя
сто'лпе, и='мже вся'ка стра'сть попра'ся. ра'дуйся, jа='кw w\т
млады'хъ ногте'й послjь'дствовалъ <е>=си` хр\сту`. ра'дуйся, притека'ющымъ
къ тебjь` сп~се'нiя хода'тай. ра'дуйся, свjьти'льниче многосвjь'тлый,
возведы'й ко хр\сту` мона'хwвъ мно'ж<е>ства. ра'дуйся, похвало`
<о>=те'честву твоему`. ра'дуйся, пр\оро'чествомъ о<у>=кра'шенный,
во <е>='же прорица'ти jа='кw настоя^щая бу^дущая. ра'дуйся, jа='кw
мл~твами твои'ми сопроти'внiи побjьжда'ются. ра'дуйся, кр\стоно'сному
i=мпера'тору на'шему, нiкола'ю а=ле<кс>а'ндровичу, похвала` и=
о<у>=твержде'нiе: <е>=го'же соблюди` мл~твами твои'ми w\т вра^гъ
ненавjь'тнw, да зове'мъ ти`: ра'дуйся, се'ргiе бг~ому'дре.

%< Пjь'снь з~.

_ I=рмо'съ: Р%>осода'тельну о<у>='бw пе'щь содjь'ла а='гг~лъ прп\дбнымъ
<о>=трокw'мъ, халд<е>'и же w=паля'ющее велjь'нiе бж~iе, мучи'теля
о<у>=вjьща` вопи'ти: бл~гослове'нъ <е>=си`, бж~е <о>=т<е>'цъ
на'шихъ.

_%< Ю='%>ношъ трiе'хъ пе'щь не w=пали`, рождество` проwбразу'ющихъ
твое`: бж~е'ственный бо <о>='гнь тебе` не w=пали'въ, всели'ся
въ тя`, и= вся^ научи` вопи'ти: бл~гослове'нъ <е>=си`, бж~е <о>=т<е>'цъ
на'шихъ.

_%< Б%>л~жа'тъ тебе` концы`, всенепоро'чная мт~и, jа='кw прорекла`
<е>=си`, просвjьща'еми свjьтолу'чными сiя'нiи твои'ми, и= бл~года'тiю
пою'щiи вопiю'тъ: бл~гослове'нъ <е>=си`, бж~е <о>=т<е>'цъ на'шихъ.

_%< П%>а^губныя о<у>='бw зу'бы въ мя` вонзе` sмi'й лука'внjьйшiй:
но ты^я тво'й, бг~омт~и, сн~ъ сокруши`, крjь'пость же мнjь` даде`
вопи'ти: бл~гослове'нъ <е>=си`, бж~е <о>=т<е>'цъ на'шихъ.

_%< W=%>чисти'лище <е>=стества` ты` <е>=си`, <е>=ди'на бг~обл~же'нная:
на ра'мjьхъ бо херувi'мскихъ сjьдя'щаго бг~а во w=б\ъя'тiихъ
носи'вши, вопiе'ши: бл~гослове'нъ <е>=си`, бж~е <о>=т<е>'цъ на'шихъ.

%< И='нъ.

_ I=рмо'съ: Б%>ж~iя снизхожде'нiя <о>='гнь о<у>=стыдjь'ся въ вавv"лw'нjь
и=ногда`, сегw` ра'ди <о>='троцы въ пещи` ра'дованною ного'ю,
jа='кw во цвjь'тницjь лику'юще, поя'ху: бл~гослове'нъ <е>=си`,
бж~е <о>=т<е>'цъ на'шихъ.

_%< В%>ъ пещи` и=скуше'нiй разжже'нiя бж~е'ственная бл~года'ть w=роси`
тя`, прп\дбне, и= многосвjь'тла тр\оческимъ жела'нiемъ показа`,
зову'ща: бл~гослове'нъ бг~ъ <о>=т<е>'цъ на'шихъ.

_%< М%>i'ръ преwби'дjьвъ, сла'вне се'ргiе, на земли` jа='кw безпло'тенъ
пожи'лъ <е>=си`, и= а='гг~льскимъ ликостоя'нi<е>мъ сподо'бился
<е>=си`. тjь'мъ тя` вjь'рою почита'емъ досточу'дне.

_%< В%>ъ приста'нище ти'хое вше'дъ, бг~ому'дре, жите'йскихъ пла'ванiй
w\тбjь'глъ <е>=си`, и= волну'ющымся жите'йскими сп~си'тельное
w=кормле'нiе бы'лъ <е>=си`, воспjьва'ющымъ: бл~гослове'нъ бг~ъ
<о>=т<е>'цъ на'шихъ.

_%< Бг~оро'диченъ: Ж%>е'злъ прорасте`, дв~о, и=з\ъ ко'рене i=ессе'ева
всебл~же'нный пло'дъ, цвjь'тъ нося'щи сп~си'тельный, вjь'рою
сн~у твоему` вопiю'щымъ: <о>=тц<е>'въ на'шихъ бж~е, бл~гослове'нъ
<е>=си`.

%< И='нъ.

_ I=рмо'съ: Т%>ебе` о<у>='мную, бц\де, пе'щь разсмотря'емъ вjь'рнiи,
jа='коже бо <о>='троки сп~се` три` превозноси'мый, мi'ръ w=бнови`
во чре'вjь твое'мъ всецjь'лъ, хва'льный <о>=тц<е>'въ бг~ъ и=
препросла'вленъ.

_%< Д%>руго'е нб~о на земли` бж~е'ственнымъ манове'нiемъ, пребл~же'нне,
показа'лся <е>=си`, воспита'лъ <е>=си` слове'сное ста'до, jа='кw
а='гг~лъ живы'й съ пло'тiю бг~ому'дре.

_%< И=%>му'ще тя` къ бг~у ча^да твоя^, крjь'пка моли'твенника, бл~же'нне,
и= о<у>=тjь'шителя печа'льныхъ, побо'рника же и= предста'теля,
и= хода'тая бл~гоче'стiя, w\т вся'кихъ бjь'дъ сп~са'емся, прп\дбне
се'ргiе.

_%< Бг~оро'диченъ: Р%>а'дуйся чт\сая а=да'мова дщи`: и=з\ъ тебе'
бо произы'де па'стырь, w=бле'кся и='стиннw во всего' мя человjь'ка,
превозноси'мый за милосе'рдiе непости'жное, <о>=тц<е>'въ бг~ъ
бл~гослове'нный.

%< Пjь'снь и~.

_ I=рмо'съ: И=%>з\ъ пла'мене прп\дбнымъ ро'су и=сточи'лъ <е>=си`,
и= пра'веднагw же'ртву водо'ю попали'лъ <е>=си`: вся^ бо твори'ши,
хр\сте`, то'кмw <е>='же хотjь'ти. тя` превозно'симъ во вся^ вjь'ки.

_%< П%>озлаще'нною ри'зою jа='коже цр~и'цу сн~ъ тво'й просвjьти'въ
заре'ю дх~а, тебе` w=десну'ю себе` поста'ви, всеч\стая: <е>=го'же
превозно'симъ во вся^ вjь'ки.

_%< И='%>же хотjь'нiемъ <е>=ди'нjьмъ мi'ръ водрузи'вый, и=з\ъ пречт\сыя
о<у>=тро'бы твоея` пло'ть зае'млетъ, свы'ше ту'ю назда'ти хотя`:
<е>=го'же превозно'симъ во вся^ вjь'ки.

_%< С%>очета'нiемъ сло'ва ко мнjь` человjь'ку бж~е'ственное жили'ще
была` <е>=си`, преч\стая, просiя'вши jа='вjь дjь'вства свjь'тлостiю.
тjь'мъ тя` пое'мъ во вся^ вjь'ки.

_%< З%>латоза'рный тя` свjь'щникъ предвоwбрази`, прiе'мшую несказа'ннw
свjь'тъ непристу'пный, зна'нiемъ свои'мъ w=заря'ющь вся'ч<е>ская.
тjь'мъ тя` пое'мъ, чт\сая, во вся^ вjь'ки.

%< И='нъ.

_ I=рмо'съ: С%>едмери'цею пе'щь халде'йскiй мучи'тель, бг~очести^вымъ
неи'стовнw разжже`, си'лою же лу'чшею сп~се'ны сiя^ ви'дjьвъ,
творцу` и= и=зба'вителю вопiя'ше: <о>='троцы бл~гослови'те, сщ~е'нницы
воспо'йте, лю'дiе превозноси'те во вся^ вjь'ки.

_%< С%>вjьтоно'сный тво'й пра'здникъ, пребл~же'нне се'ргiе, и=спо'лни
ра'дости и= весе'лiя духо'внагw, бл~гоуха'нiя же и= просвjьще'нiя,
тя` и=му'щымъ засту'пника, и= пра'вило мона'шествующымъ.

_%< М%>оли'твою непреста'нною къ бг~у восте'клъ <е>=си`, и= w\тту'ду
трисо'лнечными сiя'нiи w=зари'лся <е>=си`, на враги` бор<е>'нiя
поста'вивъ, приводя` по'стникwвъ собо'ры но'вымъ житiе'мъ, хр\сту`
вопiю'щымъ: дjь'ти бл~гослови'те, сщ~е'нницы воспо'йте, лю'дiе
превозноси'те <е>=го` во вjь'ки.

_%< В%>ъ поще'нiихъ крjь'пкое, въ мл~твахъ нелjь'ностное, терпjь'нiе
въ и=скуше'нiихъ, се'ргiе, на земли` показа'лъ <е>=си`, зовы'й:
дjь'ти бл~гослови'те, сщ~е'нницы воспо'йте, лю'дiе превозноси'те
<е>=го` во вjь'ки.

_%< Бг~оро'диченъ: Б%>г~ороди'тельнице чт\сая, души` моея` jа='звы
грjьхw'вныя и= собла'зны w=чи'сти, ко и=сто'чникwмъ примjьша'ющи,
jа=`же и=з\ъ ре'бръ рж\ства` твоегw`, и=`же w\т ни'хъ поте'кшымъ
струя'мъ: къ тебjь` бо взыва'ю, и= къ тебjь` прибjьга'ю, и= тя`
призыва'ю бг~обл~года'тную.

%< И='нъ.

_ I=рмо'съ: Ч%>у'да преесте'ственнагw росода'тельная и=з\ъwбрази`
пе'щь w='бразъ: не бо` jа=`же прiя'тъ пали'тъ ю='ныя, jа='кw
ниже` <о>='гнь бж~ества` дв~ы, въ ню'же вни'де о<у>=тро'бу. тjь'мъ
воспjьва'юще воспое'мъ: да бл~гослови'тъ тва'рь вся` гд\са, и=
превозно'ситъ во вся^ вjь'ки.

_%< П%>рилjь'жнw пою'ще мо'лимъ тя`: моли'ся, прп\дбне побjь^ды дарова'ти
на враги^ i=мпера'тору на'шему, и= цр~кви бл~голjь'пiе, и= мi'ру
ми'ръ.

_%< Д%>х~а ст~а'гw бл~года'ть въ тя` всели'ся, лука'выхъ духw'въ
прогони'теля содjь'ла, мона'шествующихъ же наста'вника показа`,
зову'щихъ: бл~гослови'те вся` тва'рь гд\са, и= превозноси'те
<е>=го` во вjь'ки.

_%< Т%>рисо'лнечнымъ свjь'томъ и=здале'ча сiя'я, твои'мъ пjьвц<е>'мъ
свjь'тъ да'руй и= сп~се'нiе, и= мi'ру ми'ръ, въ твое'й па'мяти,
прп\дбне <о>='тче, зову'щымъ: да бл~гослови'тъ вся` тва'рь гд\са,
и= превозно'ситъ <е>=го` во вjь'ки.

_%< Бг~оро'диченъ: И='%>же а='гг~льскими пjь'сньми прославля'емый,
бога'тное сло'во, на'съ ра'ди w=бнища`, тя` ма'терь добро'ту
i=а'кwвлю, бл~гослове'нная, и=збра'въ. тjь'мже воспjьва'юще пое'мъ:
да бл~гослови'тъ вся` тва'рь гд\са, и= превозно'ситъ <е>=го`
во вjь'ки.

%< Пjь'снь f~.

_ I=рмо'съ: Б%>г~а человjь'кwмъ не возмо'жно ви'дjьти, на него'же
не смjь'ютъ чи'ни а='гг~льстiи взира'ти: тобо'ю бо, всеч\стая,
jа=ви'ся человjь'кwмъ сло'во воплоще'нно, <е>=го'же велича'юще,
съ нб\сными вw'и тя` о<у>=бл~жа'емъ.

_%< S%>вjьзда`, сiя'ющи заря'ми бж~ества` w\т i=а'кwва, w\т мра'ка
содержи^мымъ возсiя` тобо'ю, всеч\стая, хр\сто'съ бг~ъ сло'во
воплоще'нно: и='мже просвjьща'еми, съ нб\сными вw'и тя` о<у>=бл~жа'емъ.

_%< О<у>=%>крjьпи'вся си'лою твое'ю и= бл~года'тiю, тебjь` пjь'снь
о<у>=се'рднw w\т се'рдца возложи'хъ: но сiю` прiими`, дв~о чт\сая,
бл~года'ть воздаю'щи твою` многосвjь'тлую w\т нетлjь'нныхъ сокро'вищь,
бг~обл~же'нная.

_%< П%>оста'въ показа'лся <е>=си` jа='вjь бж~ества`, въ не'мже ри'зу
тjьлесе` сло'во и=стка`, бг~осодjь'лавъ, дв~о, мо'й зра'къ: въ
него'же w=бле'кся, вся^ сп~се` w\т смы'сла чи'ста тя` велича'ющыя.

_%< Бг~оро'диченъ: М%><е>'ртвымъ воскр\снiе ны'нjь дарова'ся, твои'мъ
несказа'ннымъ и= неизрече'ннымъ рж\ство'мъ, бц\де всеч\стая:
жи'знь бо и=з\ъ тебе` пло'тiю w=бложи'вся всjь^мъ возсiя`, и=
сме'ртную дря'хлость jа='вjь разруши`.

%< И='нъ.

_ I=рмо'съ: О<у>=%>жасе'ся w= се'мъ не'бо, и= земли` о<у>=диви'шася
концы`, jа='кw бг~ъ jа=ви'ся человjь'кwмъ пло'тски, и= чре'во
твое` бы'сть простра'ннjьйшее нб~съ. тjь'мъ тя` бц\ду, а='гг~лwвъ
и= человjь^къ чинонача^лiя велича'ютъ.

_%< С%>вjьтоявле'нiя духо'внагw и=спо'лненъ бы'въ, прп\дбне се'ргiе,
свjьти'льникъ сiя'я и=здале'ча jа=ви'лся <е>=си`, слов<е>'сныя
зари^ на'мъ w=блиста'я, и= пребж~е'ственныя тр\оцы жили'ще показа'лся
<е>=си`.

_%< В%>ои'стинну тя` вели'ка о<у>=чи'теля, му'дре се'ргiе, рwссi^йскимъ
страна'мъ хр\сто'съ дарова`, нело'жнымъ правле'нiемъ пра'вяща
<о>=те'чество свое`, и= о<у>=ч<е>'нiя сладча^йша ме'да и=злива'юща:
и=`хже jа='кw w\т <о>=крi'на и= мы` вjь'рнiи почерпа'емъ незави'стнw.

_%< Д%>ушетлjь^нныя стра^сти побjьди'въ, jа='кw па'стырь и='стинный,
о<у>=па'слъ <е>=си` слове'сное хр\сто'во ста'до, <е>='же вы'ну
бл~года'тiю дх~а jа='кw цвjь'ты ра^йскiя, пита'я, прп\дбне.

_%< Бг~оро'диченъ: <Пс>%>алмы` тя` воспjьва'емъ w=бра'дованная, и=
немо'лчнw ти`, <е>='же ра'дуйся, вопiе'мъ: ты' бо и=сточи'ла
<е>=си` всjь^мъ ра'дованiе.

%< И='нъ.

_ I=рмо'съ: W='%>бразъ чт\сагw рж\ства` твоегw`, <о>=гнепали'мая
купина` показа` неwпа'льная, ны'нjь на на'съ напа'стей свирjь'пjьющую
о<у>=гаси'ти, мо'лимся, пе'щь: да тя`, бц\де, непреста'ннw велича'емъ.

_%< Л%>юбо'вiю хр\сто'вою, му'дре, просвjьща'емь, и= добродjь'тельми
<о>=блиста'емь, не w=скверни'лъ <е>=си` души` твоея` добро'ту:
ко <о>=тц<е>'мъ же преста'вился <е>=си` въ до'брjьй ста'рости,
и= бг~у со а='гг~лы, се'ргiе, предстои'ши.

_%< W=%>чи'сти на^ша согрjьш<е>'нiя, сло'ве, и= просвjьти` <о>='чи
серд<е>'чныя, <е>='же чи'стw зрjь'ти твою` свjь'тлость бж~е'ственнагw
свjьтоли'тiя, мл~твами твоегw` о<у>=го'дника се'ргiа, да тя`
вси` велича'емъ.

_%< Бг~оро'диченъ: <W>%> стра'ннагw твоегw` чудесе`! ты' бо дв~о
бц\де, та'инство пре'жде вjькw'въ и= родw'въ сокрове'нное въ
бз~jь вся^ созда'вшемъ, ро'ждши бг~а сло'ва несказа'ннw, jа=ви'лася
<е>=си`.

%< Свjьти'ленъ:

_ П%>роцвjь'лъ <е>=си` jа='кw фi'нi<кс>ъ дв~дски, <о>='тче, и= <о>=би'тель
jа=ви'лся <е>=си` дх~а всест~а'гw, и='же сла'вна тя` вселе'ннjьй
показа`: w= на'съ непреста'ннw хр\ста` моли`, почита'ющихъ вjь'рою
преч\стну'ю па'мять твою`, прп\дбне се'ргiе. %<[ Два'жды.]

Сла'ва, и= ны'нjь, бг~оро'диченъ:

_ Т%>я` пjь'сньми немо'лчными о<у>=бл~жа'емъ, дв~о, jа='кw w\т тр\оцы
<е>=ди'наго родила` <е>=си`, бц\де, и= но'сиши на бж~е'ственныхъ
w=б\ъя'тiихъ пребога'тое сло'во невра'щное и= неизмjь'нное.

%< На хвали'техъ стiхи^ры на д~, гла'съ д~.

Подо'бенъ: З%>ва'нный свы'ше:

%< <Е>=%>гда` бж~е'ственное зва'нiе на'йде на тя` пребога'те, тогда`
все` плотско'е мудрова'нiе дх~у повину'лъ <е>=си`, поще'нiя страда'ньми
о<у>=тверди'вся, и= jа='кw зла'то въ горни'лjь и=скуше'н сiя'я
jа=ви'лся <е>=си. прiя'телище бы'лъ <е>=си` дх~а прест~а'гw, собра'въ
мона'шествующихъ мно'ж<е>ства, и= о<у>=че'нiи твои'ми jа='кw
нjь'коею небовосхо'дную лjь'ствицею, на высоту` добродjь'телей
возводя`. помина'й на'съ, се'ргiе, чту'щихъ па'мять твою`, сп~сти`
и= просвjьти'ти ду'шы на'шя. %<[ Два'жды.]

_ В%>озсiя` дне'сь пресвjь'тлая и= всепра'зднственная па'мять твоя`
пресла'вне се'ргiе, созыва'ющи многочи'сленное по'стникwвъ сосло'вiе,
и= прп\дбныхъ ликостоя'нiя, въ не'йже а='гг~ли сла'вятъ въ тр\оцjь
покланя'емаго бг~а на'шего, человjь'цы же притека'ющiи къ сщ~е'ннjьй
ра'цjь моще'й твои'хъ, и=сцjьле'нiя да'ры прiе'млютъ: и= тя`
вjьнча'вшаго хр\ста` прославля'емъ, сп~са ду'шъ на'шихъ.

_%< Б%>г~оно'се и= пребл~же'нне <о>='тче се'ргiе, ты` пр\оро'чески
посте'лю слеза'ми и=змыва'лъ <е>=си`: не да'лъ <е>=си` сна` твои^мъ
<о>=чес<е>'мъ, ни вjь'ждwмъ дрема'нiя, серде'чное жела'нiе <е>='же
ко хр\сту` jа=вля'я, <е>=го'же и=з\ъмла'да возлюби'въ, вся'кiя
добродjь'тели ви'дъ и=спра'вилъ <е>=си`. тjь'мже тя` о<у>=блажа'емъ,
хр\ста` велича'юще, тя` просла'вльшаго.

%< Сла'ва, гла'съ в~:

_ П%>рп\дбне <о>='тче, и=з\ъмла'да воздержа'нiю прилjьжа'въ пости'вся,
<о>=рга'нъ бы'лъ <е>=си` ст~а'гw дх~а. тjь'мъ и= чуде'съ дарова^нiя
прiе'мъ, человjь'ки научи'лъ <е>=си` преwби'дjьти маловре'м<е>нная,
ны'нjь же неизрече'ннымъ свjь'томъ свjь'тлjь сiя'еши: просвjьти`
на'шя мы^сли хода'тайствомъ твои'мъ, му'дре се'ргiе.

%< И= ны'нjь, бг~оро'диченъ:

_ В%>се` о<у>=пова'нiе мое` на тя` возлага'ю, мт~и бж~iя, сохрани'
мя под\ъ кро'вомъ твои'мъ.

%< Славосло'вiе вели'кое. И= w\тпу'стъ.

На лiтургi'и:

_ Бл~ж<е>'нна пе'рвагw канw'на пjь'снь г~-я и= втора'гw пjь'снь
s~-я. Прокi'менъ: Ч%>т\сна` пред\ъ гд\семъ сме'рть преподо'бныхъ
<е>=гw`. %< Стi'хъ: Ч%>то` возда'мъ гд\севи w= всjь'хъ, jа=`же воздаде`
ми; %< А=по'столъ къ гала'тwмъ, зача'ло сг~<i>. А=ллилу'iа. Б%>л~же'нъ
му'жъ боя'йся гд\са: %< <Е>=v\глiе луки`, зача'ло к~д. Прича'стенъ:
В%>ъ па'мять вjь'чную бу'детъ прв\дникъ: